Rástímar og Umgengnisreglur​

Rástíma þarf ekki að panta fyrirfram.

Vinsamlegast athugið að hópar þurfa að senda beiðni um rástíma á [email protected] 
​
Við treystum golfurum til að  berða virðingu fyrir vellinum og starfseminni, ganga vel um og greiða vallargjaldið áður en að leikur er hafinn.  Hægt er að leggja vallargjald inn á reikning félagsins en sumarið 2025 tökum við gagnið posa sem léttir ferli við greiðslu.

Golfvöllurinn er opinn fyrir bæði félagsmenn og aðra áhugasama golfara sem vilja spila staka hringi á vellinum.

Til að gerast félagi í Golfklúbbi Hraunborga skal senda beiðni á [email protected] með upplýsingum um nafn, kennitölu, síma og netfang. Í kjölfarið verður send krafa í heimabanka. Vinsamlegast leggið ekki beint inn á reikninginn.
Greiða skal fyrir staka hringi, þá greiða golfarar samkvæmt gjaldskrá Golfklúbbs Hraunborga, sjá nánar hér undir gjaldskrá.

Umgengnisreglur 
Á Ásgeirsvelli í Hraunborgum skal fara að öllum viðurkenndum golfreglum.
Völlurinn er hirtur reglulega og haldið við. Salerni er á staðnum og aðstaða til að setjast niður. Völlurinn er ekki mannaður og  er treyst á heiðarleika kylfinga varðandi umgengni og vallargjöld. Völlurinn er ekki í GSÍ og reiknast ekki til forgjafar. Völlinn er hægt að finna í Garmin appinu.

 Eftirfarandi reglur gilda:
​
  • Boltaför skulu löguð á flötum og torfusneplar settir á sinn stað.
  • Hleypa skal fram úr ef hægist á spilahraða eða ef verið er að leita að bolta.
  • Leikhraða skal haldið.
  • Nota ber ruslafötur og ekki henda rusli svo sem munntóbakspúðum, sígarettum , matarleifum eða umbúðum á völlinn.
  • Hámark fjögur í holli og hver með sitt sett.
  • Kerrur og  golfpoka skal ekki fara með inn á flatir eða teiga.
  • Reglur  um golfbílanotkun skal virða en golfbílar eru ekki leyfðir að vori og snemmsumars meðan að jörð er viðkvæm.
  • Greitt skal fyrir leik ÁÐUR en leikur er hafinn. Lagt er inn á reikning golfklúbbsins sem er: 0111 26 070091 700913-0230.
  • Lausir hundar eru ekki leyfðir á vellinum og að sjálfsögðu skal hirða upp eftir hunda séu þeir með í för í taumi.
  • Börn skulu vera á vellinum með forráðamönnum og ekki ein síns liðs.
Berum virðingu fyrir íþróttinni, sýnum tillit og njótum golfleiksins.
Stjórn Golfklúbbs Hraunborga
Golfklúbbur Hraunborga / Hraunborgir / Grímsnes og Grafningshreppur / Kennitala: 700913-0230 /  www.gkh.is / [email protected]